Olukiiko lwa ba minister cabinet luyisizza ekiteeso ekiwa government nga eyita mu ministry y’ebyobulimi, obulunzi n’obuvubi omwaganya okugula ebigimusa, byegenda okugabira abalimi okwetoloola eggwanga, n’ekigendererwa ekyokwongera ku makungula.

Ekiteeso kino kyanjuddwa minister w’ebyamawulire n’okulungamya eggwanga Justine Kasule Lumumba mu lukungaana lwa bannamawulire ku Uganda Media Centre.

Okusinziira ku minister, ebigimusa bino byakuweebwa abali mu mulimo gw’obulimi bw’amajaani n’emwanyi naddala abo abali mu nteekateeka eya Parish Development Model (PDM).

Ebimu ku bigimusa ebyagabibwa gyebuvuddeko e Sembabule.

Ku ngeri abantu abagenda okuganyulwa mu bigimusa bino gyebanalondebwamu, minister Kasule agambye nti mu budde obutale bwa wala, ministry y’ebyobulimi egyakuvayo erungamye bannansi ku nteekateeka enagobererwa.

By Nashumbusha Joshua